بعثرت كلمة أحبك
بعثرت كلمه احبك بين طيات الحروف
وأنت يالغالي بدورك قوم رتبها
رتب الكلمة قبل عمري يطوف
وينتهي وقت اللقا قبل ما أسمعها
قولها خل التردد ينتهي والخوف
قولها مابيك على الأوراق تطبعها
في كل مره هايم اجيك ملهوف
يسبق الخطوات قلبي والعين مدمعها
اسهر الليالي والفكر فيك مشغوف
ياكثر ماعديت النجوم ويا كثر ما أجمعها
أقول في نفسي عسى العرب ماتشوف
صورة حبيبي بعيني وتنال مطمعها
وينكشف سر له أعوام بالجوف
وأصير قصه كل ذا العالم تتابعها
موضوع: بعثرت كلمة أحبك 
السبت أغسطس 02, 2008 4:25 am
