بسم الله الرحمن الرحيم
السلام عليكم ورحمة الله وبركاته
مساء / صباح => الحب والود والوئام
جديدي بعد أن عُدت للمنتدى أخيرًا وأستطعت الدخول !
وكتبتها وبالطبع لها مناسبة لعل من هي له أن تبلغه
وأن يعرف من هو بالنسبةِ لي ؟!
وأتمنى أن ترتقي إلى أذواقكم
وأن تنال على استحسانكم
زعلت مني يامنى الروح وش جـآك
وضح ترى صمتـك يبيّـح كنينـي
~ ~ ~
كاني عليك اخطيت افهمنـي ارجـآك
وترى المشاعر شي ... لازم يبيّنـي
~ ~ ~
اتغار منه ياسـود الرمـش هـذآك
وتعـرف انـه راحـل(ن) مايبينـي
~ ~ ~
مـادام ذكـره لاطـرا لـي تعـدآك
لاتجيب ذكره وماضي(ن) من حنيني
~ ~ ~
لاتغار منهم ياحبيبـي انـا اهـوآك
وحبك معَـا غيرتـك تـزود يقينـي
~ ~ ~
وانا وربـي حيـل احبـك وابغـآك
وقافي شهيد(ن) وخط حرفه يمينـي
~ ~ ~
تعال خذنـي لـك وعطنـي يمنـآك
ابغفى على صدرك واببكـي سنينـي
~ ~ ~
افرح انا لاشفـت زولـك وممشـآك
واقول خلـي جـا واعطـر يدينـي
~ ~ ~
يفداك عمري ياحمـر الخـد يفـدآك
وابوس خـده حيـل واسـد عينـي
~ ~ ~
واقول اسـم الله حبيبـي يامحـلآك
واضم صدره لي ... ابغـى يدفينـي
~ ~ ~
سبحان من صور جمالـك وسـوآك
ياغلى ملاك(ن) بعيش جنبه ويحميني
~ ~ ~
لاتروح عني وحياتـي انـا حـذآك
مارضى انا غيرك احـد(ن) يهديّنـي
~ ~ ~
مابه ابد شـي(ن) بدنيـاي يسـوآك
ولاشي يسوى غيـر حبـك يهنينـي
~ ~ ~
ارجوك لايطـول غيابـك ومسـرآك
سافـر وروح بـس عـود تبينـي
~ ~ ~
بتلقاني انتظـرك وحيـد(ن) بليـآك
ضايع ودمعي واصل(ن) لي جبينـي
ملاحظةٌ بسيطة :
كلمة حـذآك في البيت الثاني عشر
أعني بها بجآنبك أو معآك
أي بجانب من أقصِدُ أو معه
::: وســـلامــتــكـم :::
موضوع: لاتغــــــار منهم حبيبي انا اهواااكــ 
الجمعة أغسطس 01, 2008 9:30 am
