متى تفهم التلميح وتبادل المجروح
مشاعر خفوق ماشعر يوم بالراحه
يجي لين حدك والخجل يمنعه ويروح
حزين يخفي جاير الشووق وجراحه
ويصبر عسى شمس الهنا في سماه تلوح
طيور الفرح تملى لياليه سواحه
تمادى بك الغفله وهو مشفي مشفوح
تنام بهنا ويساهر الليل واشباحه
يلعب به الهاجوس لعب البحر باللوح
ولو حاول النسيان ذكراك تجتاحه
تعداه قلبك خالي وخاطرك مشروح
ولا تلتفت له وانت بيدينك افراحه
ويرسم على دنياه في دمعها المسفوح
ولوعة جفاك تبان في كثرة انواحه
ويخفي عن العالم خبر شوقه المذبوح
والدروب الدموع اللي على الخد فضاحه
ويعيش بلظى نارين نار الصبر والبوح
وطيفك يوقف له بغدوه ومرواحه..
موضوع: متى تفهم التلمـــــيح!!! 
السبت يوليو 26, 2008 4:40 am
وااااااااااااااااااو مراااااا شكرااااا حياااااتي 
